«Жарқын болашаққа - терең тарих, еркін тіл»

1 ақпан күні, Отырар аудандық білім бөліміне қарасты   "Ергөбек" негізгі орта мектебінде 01 - 29 ақпан аралығында өткізілетін қазақ тілі мен әдебиет, орыс тілі мен әдебиет, ағылшын тілі, тарих пәндері кірістірлген  «Парасат» әдістемелік бірлестігінің «Жарқын болашаққа - терең тарих, еркін тіл» тақырыбында айлықтың ашылу салтанаты өтті. 

    Салтанатты шараны мектеп директоры Мадина Әлшериева Ермекқызы ашып,  әріптестері мен оқушыларға сәттілік тіледі. Шарада қазақ тілі, ағылшын, орыс тілі, мен көркем сөз өнері жайлы, тарихи мағлұматтар беріліп, оқушылар сөзжұмбақ, мақал-мәтелдер мен жұмбақтарға жауап беріп, мәнерлеп оқумен қатар өз шығармашылықтарымен бөлісті.

    Айлық барысында ашық сабақтар мен өнегелі тәрбие сағаттары, эссе жазу мен ғылыми жоба қорғау сайыстарына белсене қатысуға шақырды.

  Ана тілің – арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте!  - дегендей  айлық аясында өз тіліміз бен  өзге тілді, тарихымызды насихаттауға  жоспарланған барлық іс-шараларына белсене қатысу арқылы да білдіре аламыз деген ойдамыз.